في رايي الشخصي و من دون تحيز المباراة كانت متوازنة في القوة
صحيح الظاهر انو الميلان اقوى ..... لكنه كان منكمش جدا .... بعكس انتر كان لاعب مباراة مفتوحة
اعتقد الشي اللي خلا ميلان يتفوق هو الحظ من الهدف الغير صحيح
لكن في رايي النتيجة العادلة هيا 1-1
او 0-0
انا بصراحة استغربت جدا من الخطة الهجومية العجيبة البلاي ستشنية اللي عملها مورينيو هههههه
لكن نوعا ما ادت مفعول لا بأس به
لكن في اعتقادي الشخصي و موقعي من بعيد كان ممكن يكون فيه خيارات اخرى
و اللي كنت اتمناه بصراحة
بعد التبديلات و دخول كروز و ادريانو
انو ابرا يوهم المدافعين انو راس الحربة
لكن لما تتقدر الكورة للامام يتراجع او يذهب لعكس اتجاه الكرة تماما
و يكون باتجاه الامام كروز و حولينه ادريانو
اما بالنسبة لكواريزما اعتقد انو مورينيو ضيع الهجوم بابقائه بعد دخول كروز و ادريانو
على الاقل كان دخل واحد منهم فقط لكن الاثنين .!!! بالاضافة لابرا و كواريزما !!!
يعني اعتقد المفروض كان يطلع كواريزما و يدخل مكانو اي لاعب تغطية وسط
و يعطي حرية لمايكون
بكدة راح يتحررو المهاجمين اكثر بعدم التكديس و التحرك السريع في منطقة الميلان
بالنسبة لميلان ... اعتقد اقوى سلاح استخدموه هو ((( الاستفزاز ))) و شفنا كثير كور تضيع من الانتر بسبب عدم التركيز ..... و شفنا كواريزما لما جري ورا سيدورف لي اخر الملعب و قطع الكورة منو ... بس الحكم ((( اللي بيحكم على النية ))) اعطاه كرت اصفر على لا شي من غير خطأ اصلا ... لكن كان واضح على كواريزما انو معصب
ابرا كان معصب الفريق كلو معصب ... من اسلوب ميلان ((( و هو حق مشروع لهم و حركة ذكية ))) و من تصرفات الحكم (( الاستبدادية )) ما عاد فييرا دايما بارد ولا في بالو !!
بالنسبة لتكتيكهم كان واضح
بس صعب التعامل معاه لانو جدا سريع كاكا و باتو و رونالدينو ... و سيدورف الممول
و بما انو العلة بورديسو موجود اكي بنروح ورى الشمس و يفضل الدفاع كلو متوتر
بالاضافة لحاجة صغيرة اثرت كثير على انتر و اعطت نقطة اضافية لصالح الميلان
دايما تلاقي الميلانيين يسبقو لاعبي انتر بخطوة وحدة وقت التمريرات و الكرات الهوائية .... للتوضيح اكتر ((( كواريزما امامو سيدورف امامهم الكورة ))) او ((( كيفو امامو رونالدينيو امامهم الكورة ))) .... فا بياخدو الكورة اسرع و سهل تنقطع من لاعبي انتر
اعتقد انو دا عنصر التركيز
عموما اعتقد انها لسة مباراة تجريبية لي مورينيو لين ما يلاقي تشكيلته المثالية
و بالنسبة لي هيا مجرد مباراة من 3 نقاط ... لا اكثر ولا اقل
بس لا تنسو انو المباراة انتهت 1-0 من هدف تسلل
30/09/08, 07:37 am من طرف 
هلا وغلا 
الثعلب
